San Lourenzo de Ouzande

 

A igrexa de Ouzande é popular en Galicia grazas aos debuxos de Castelao.

Conserva do s. XII parte dos muros e a cabeceira semicircular, na que destacan os atrevidos canzorros con figuras de contorsionistas e animais.

No interior da ábsida ten arcos de medio punto con tendencia á ferradura e que se apean sobre capiteis decorados con motivos florais, entrelazos xeométricos ou esceas de caza.

No cumio do tellado, cara ao poñente, ten o carneiro portador da cruz, o Agnus Dei. O mesmo Castelao chamaba a estas cruces “fillas” das cruces irlandesas, se ben podemos testemuñar a existencia en Galicia deste tipo de deseños desde o s. VI.

 

[googlemap <iframe src=”https://www.google.com/maps/embed?pb=!1m18!1m12!1m3!1d2933.1544764688897!2d-8.490137999999993!3d42.67927000000001!2m3!1f0!2f0!3f0!3m2!1i1024!2i768!4f13.1!3m3!1m2!1s0x0%3A0x0!2zNDLCsDQwJzQ1LjQiTiA4wrAyOScyNC41Ilc!5e0!3m2!1ses!2ses!4v1414401209110″ width=”670″ height=”300″ frameborder=”0″ style=”border:0″></iframe> ][/googlemap]