Santa María de Loimil

 

Cóntanos o coengo López Ferreiro, redescubridor da tumba do apóstolo no ano 1879, que esta igrexa pertenceu a comezos do s. XII á belicosa raíña dona Urraca.

Segue a tipoloxía dos templos de ábsida rectangular, sendo unha das máis completas da comarca.

A nave conserva as tres portadas orixinais, unha delas tapiada. Exteriormente, na ábsida, destaca pola súa decoración a fiestra central. Aos lados, as dúas semicolumnas acaroadas fan a función de contrafortes e contrarrestan as presións que desde o interior exerce o arco apuntado que reforza as bóvedas de pedra.

Nos cumios da nave e da ábsida ten respectivamente unha laboriosa cruz de entrelazo e un fermoso Agnus Dei.

[googlemap <iframe src=”https://www.google.com/maps/embed?pb=!1m14!1m8!1m3!1d2929.9184392803854!2d-8.3652778!3d42.7477778!3m2!1i1024!2i768!4f13.1!3m3!1m2!1s0x0%3A0x0!2zNDLCsDQ0JzUyLjAiTiA4wrAyMSc1NS4wIlc!5e0!3m2!1ses!2ses!4v1414411431577″ width=”670″ height=”300″ frameborder=”0″ style=”border:0″></iframe> ][/googlemap]